അക്കിഹാബറ ( ഇലക്ട്രോണിക്സ് സിറ്റി ) ജപ്പാനിലെ ഏറ്റവും വലിയ ഇലക്ട്രോണിക്സ് മാര്‍ക്കറ്റ്.
എല്ലാതരത്തിലുള്ള ഇലക്ട്രോണിക്സ് സാധനങ്ങളും വീഡീയോ ഗെയിമുകളും(
ജാപ്പനീസ് ആയിരിക്കുംമെന്നു മാത്രം) ഇവിടെ കിട്ടും. “അക്കിബാ ഗേള്‍സ് “- ഇവര്‍ ഇവിടത്തെ ഷോപ്പുകളുടേയും റസ്റ്റോറന്‍സിന്റേയും പരസ്യങ്ങള്‍ക്കായി നില്‍ക്കുന്നു. ജപ്പാന്‍ കാര്‍ട്ടൂണ്‍ സിനിമകള്‍ക്കും വീഡിയോഗെയിമുകള്‍ക്കും വളരെ പ്രസിദ്ധമാണ്.അത്തരം സിനിമകളിലും ഗെയിമുകളിലും മാത്രം ജീവിക്കുന്ന ആളുകള്‍ ഉണ്ട് ( ഒത്താക്കൂ-കള്‍ എന്നു പറയും ). പ്രധാനമായും ഇവരെ ഉദ്ദേശിച്ചുള്ളതാണു ഇത്തരം ജീവിക്കുന്ന പരസ്സ്യങ്ങള്‍ . ജീവിതത്തിന്റെ ഏകദേശം മുഴുവന്‍ സമയവും വീടിനകത്ത് വീഡിയോ ഗെയിമുകളും ടി.വി യും മാത്രമായി ജീവിക്കുന്ന ഇവര്‍ക്ക് കാര്‍ട്ടൂണ്‍/വീഡിയോ ഗെയിം കഥാപാത്രങ്ങളോട് അന്ധമായ ആരാധനയും പ്രണയവും ആയിരിക്കും. ഒത്താക്കൂകളെ പുറത്തു കൊണ്ടുവരാന്‍ കണ്ടെത്തിയ ഒരു മാര്‍ക്കെറ്റിങ്ങ് തന്ത്രമാണു ഇവരുടെ ആരാധനാപാത്രങ്ങളായ കാര്‍ട്ടൂണ്‍ കഥാപാത്രങ്ങളുടെ വേഷത്തിലുള്ള പെണ്‍കുട്ടികളെകൊണ്ട് പരസ്സ്യം കൊടുപ്പിക്കുക എന്നത്. പ്രസ്സിദ്ധമായ ജാപ്പനീസ് കാര്‍ട്ടൂണ്‍ കഥാപാത്രങ്ങളുടെ വേഷം ധരിച്ചുനില്‍ക്കുന്ന ഇവര്‍ക്ക് മണിക്കൂറിന് 1000 യെന്‍ (ഏകദേശം 370 രൂ‍പ ) മുതല്‍ 2000 യെന്‍ വരെ ലഭിക്കും. മിക്കവാറും സ്കൂളുകളില്‍ പഠിക്കുന്ന കുട്ടികളാണു ഒരു പാര്‍ട്ട് ടൈം ജോലി എന്ന നിലക്ക് ഇത്തരം പരസ്സ്യങ്ങള്‍ക്കായി നില്‍ക്കുന്നത്.
ആകാശവും കായലും സംഗമിക്കുന്നിടം... 
മനം കുളിര്‍പ്പിക്കുന്ന പുലര്‍ക്കാലം
കുട്ടനാടിന്റെ ഒരു ദിവസം ഇവിടെ ആരംഭിക്കുന്നു.
ഭൂമിയിലെ മറ്റൊരു സ്വര്‍ഗ്ഗം
കരിമീന്‍ പൊരിച്ചത്
കായലിലെ ഒരു ദിവസം അവസ്സാനിക്കുന്നു...
പ്രകൃതി ചാലിച്ചൊഴിച്ച നിറങ്ങളുമായി സന്ധ്യ...
"a girl in red shoes". ഈ പ്രതിമയെക്കുറിച്ചുള്ള ജാപ്പനീസ് പാട്ട്( കുട്ടികളുടെ) വളരെ പ്രസ്സിദ്ധമാണ്.
ലാന്റ് മാര്‍ക്ക് ടവര്‍, ക്യൂന്‍സ് ടവറുകള്‍,കോസ്മോ ക്ലോക്ക് ഒരു വിദൂരദൃശ്ശ്യം
ജപ്പാനിലെ ഏറ്റവും ഉയരം കൂടിയ കെട്ടിടമാണ് ലാന്റ്മാര്‍ക്ക് ടവര്‍ . ലോകത്തിലെ രണ്ടാമത്തെ ഏറ്റവും വേഗതകൂടിയ ലിഫ്റ്റും ഇതില്‍ തന്നെ.
ലൈറ്റ് ഹൌസ്, ഒബ്‌സര്‍വേറ്ററി
‘ ഹിക്കാവാ-മറു ’ , ഈ ജാപ്പനീസ് യാത്രക്കപ്പല്‍ ഇപ്പോള്‍ ഗ്യാലറിയായും, റെസ്റ്റോറന്റായും പ്രവര്‍ത്തിക്കുന്നു.
ഇതു ദീ സാധനം ആണെന്നു തോന്നുന്നു; ഫോട്ടോ എടുക്കുന്ന തിരക്കില്‍ പേരു ചോദിക്കാന്‍ മറന്നു
ദിവന്‍ “നീമോ” ( ക്ലൌണ്‍ ഫിഷ് ). ഇവനായിരുന്നു അവിടുത്തെ സ്റ്റാര്‍, കുട്ടികള്‍ക്ക് ഇവനെ മതി, ഇവനാണെങ്കിലോ നാണക്കാരന്‍. ക്യാമറയുമായി ചെല്ലുമ്പോളേക്കും ഇവന്‍ കോറലുകള്‍ക്കിടയില്‍ ഒളിക്കും.
ജെല്ലി ഫിഷ് 
